به‌رخوه‌دانسته‌نبۆل
ئه‌م ل به‌ندا ته‌ڤلیبوونا وه یا شاهیا به‌رخوه‌دانێ نه!
نوونه‌ر و بورۆکراتێن شیرکه‌تێن کاپیتالیست ئێن پرنه‌ته‌و و ده‌وله‌تان، ژ به‌ر جڤینا سالانه، یا IMF ( فۆنا پاره‌یان ئا ناڤنه‌ته‌وه‌یی ) و بانقه‌یا جیهانێ، یا کو دێ ژیانا ب ملیاران مرۆڤان ڕش بکه و بکه ژه‌هر، د ٦ و ٧ێ جۆتمه‌ها ٢٠٠٩ان ده دێ ل سته‌نبۆلێ بن.
جڤینه‌که زیروه‌یه‌که دن ئا کو ب ئارمانجا پاراستنا سه‌رده‌ستێن کاپیتالیست چێدبه، کو دێ ل سه‌ر پاکه‌تێن ئابۆری، شه‌رت و مه‌رجێن ئاهه‌نگساز ئێن بنگه‌هین، پۆلیتیکایێن که‌مه‌رشداندنێ، کو ژ بۆ خیزان و فه‌قیرێن ب ملیاران و ژ بۆ پێشه‌رۆژا گه‌ره‌ستێرکا ئه‌م ل سه‌ر دژین، ژ بلی زێده‌کرنا خه‌له‌کێن زنجیرا که‌دخواریێ پێ ڤه ب کێری تشته‌کی نایێ بێ ئاخاڤتن…
ئه‌وقاس تشتێن کو هاتنه ژیین ب ئاوایه‌کی ئاشکه‌را نیشانی مه دایه کو، ( ئارژانتین، ژامایکا، ئه‌کڤادۆر، نیژه‌ریا، که‌نیا و هود. ) پۆلیتیکایێن ئمف و بانقه‌یا جیهانێ ژ بلی خیزانی-فه‌قیری و که‌دخواریێ پێ ڤه تشته‌ک نه‌انیه و نایینه. ئمف و بانقه‌یا جیهانێ یا میمارێن گه‌ردوونیبوونا کاپیتالیزمێ نه، ب ڕیا پۆلیتیکایێن ڤه‌گوهه‌راندنا باژاری( ئاسیلکرن )، د ئاستا یه‌که‌م ده به‌رپرسیار ئن کو، مالێن خیزان و فه‌قیران ژ ده‌ستێ وان دچه، ئه‌و دبن په‌نابه‌ر; ئاڤا کو بنگه‌ها ژیانێ یه دکه‌ڤه ده‌ستێ چه‌ند که‌سان و ناڤا له‌پێن چه‌ند شیرکه‌تان، ب پێکانینا پۆلیتیکایێن چاندنی هلبه‌رینه‌رێن هه‌رێمی دبن مه‌هکوومێ پاترۆنێن کاپیتالیست، ب ڕیا زاگۆنێن کارکرنێ ( ئیستیهدام ) خه‌له‌کێن نوو ل خه‌باتکاران زێده دکه.
١٣. ٠٠٠ دز و تالانکه‌ر و ژ ڤان زێده‌تر هێزێن ئه‌وله‌کاریێ، یێن کو ژ بۆ پاراستنا وان فه‌رمان ژێ ڕ هاتیه دایین، د وان ڕژان ده دێ د ناڤا مه ده بگه‌رن. ب ئیحتیماله‌که مه‌زن ژی دێ وان ڕژێن مه ل مه بکن دۆژه‌خ ( جه‌هه‌نه‌م )! لێگه‌رین، پرسا ناسنامه‌یان، گرتنا ڕیان، دۆرپێچکرنا ده‌ر و دۆرێ و هود…
وه‌رن، ئه‌م ب هه‌ڤ ڕ، د ڤان ڕژان ده ژیانا وان بکن دۆژه‌ه. شاهیا مه بلا ببه خه‌ونره‌شکا ( قه‌بووسا ) وان!
ئه‌م دخوازن، د ناڤبه‌را ١-٨ جۆتمه‌هێ ده، ل دژی ئمف و بانقه‌یا جیهانێ چالاکیێن جوور ب جوور، گۆتووبێژ، خه‌باتێن ئاتۆلیه‌یان، پێشه‌نگه‌ه و کۆنسه‌ران ل دار بخن. ژ بۆ که‌سێن کو دێ ژ وه‌لات و باژارێن دن بێن دێ مال بێن په‌یداکرن. که‌سێن کو دخوازن ته‌ڤلی ئاماده‌کاریێن ئۆرگانیزاسیۆن و چالاکیان ببن ب ڕیا ئاگاهیێن ڕگهاندنێ دکارن ب مه ڕ بکه‌ڤن تێکلیێ. وه‌که دن، که‌سێن کو دخوازن د ده‌ربارێ خه‌باتێن ئامه‌ده‌کاریێ ب ڕک و پێک ببن خوه‌دی ئاگاهی دکارن مالپه‌را مه ئا وه‌بێ کو دێ هه‌ر تم بێ نووکرن زیاره‌ت بکن.
ب هێڤیا، کو د ڕژێن شا یێن به‌رخوه‌دانێ ده ئه‌م پشتگریا ناڤنه‌ته‌وه‌یی بلند بکن.
ل دژی سه‌رمیانێ خوه‌سه‌ریا گه‌لان!
تو ژی ببه ده‌نگه‌ک ژ بۆ قێرینا ل دژی سه‌رمیانا نه‌ته‌وه‌یی و ناڤنه‌ته‌وه‌یی!
راگهاند زانیار:
http://direnistanbul.wordpress.com / (Tirkî)
http://resistanbul.wordpress.com / (Îngilîzî)
پێگه‌ی ئینته‌رنێتی:
http://resistanbul.wordpress.com/2009/07/23/em-li-benda-tevlibuna-we-ya-sahiya-berxwedane-ne/
Berxwedanstenbol
EM LI BENDA TEVLÎBÛNA WE YA ŞAHIYA BERXWEDANÊ NE!
Nûner û burokratên şîrketên kapîtalîst ên pirnetew û dewletan, ji ber civîna salane, ya IMF (Fona Pareyan a Navneteweyî) û Banqeya Cîhanê, ya ku dê jiyana bi milyaran mirovan reş bike û bike jehr, di 6 û 7’ê Cotmeha 2009’an de dê li Stenbolê bin.
Civîneke zîrweyeke din a ku bi armanca parastina serdestên kapîtalîst çêdibe, ku dê li ser paketên aborî, şert û mercên ahengsaz ên bingehîn, polîtîkayên kemerşidandinê, ku ji bo xîzan û feqîrên bi milyaran û ji bo pêşeroja gerestêrka em li ser dijîn, ji bilî zêdekirina xelekên zincîra kedxwariyê pê ve bi kêrî tiştekî nayê bê axavtin…
Ewqas tiştên ku hatine jiyîn bi awayekî aşkera nîşanî me daye ku, (Arjantîn, Jamaîka, Ekvador, Nîjerya, Kenya û hwd.) polîtîkayên IMF û Banqeya Cîhanê ji bilî xîzanî-feqîrî û kedxwariyê pê ve tiştek neaniye û nayîne. IMF û Banqeya Cîhanê ya mîmarên gerdûnîbûna Kapîtalîzmê ne, bi riya polîtîkayên veguherandina bajarî(asîlkirin), di asta yekem de berpirsyar in ku, malên xîzan û feqîran ji destê wan diçe, ew dibin penaber; ava ku bingeha jiyanê ye dikeve destê çend kesan û nava lepên çend şîrketan, bi pêkanîna polîtîkayên çandinî hilberînerên herêmî dibin mehkûmê patronên kapîtalîst, bi riya zagonên karkirinê (îstîhdam) xelekên nû li xebatkaran zêde dike.
13.000 diz û talanker û ji van zêdetir hêzên ewlekariyê, yên ku ji bo parastina wan ferman jê re hatiye dayîn, di wan rojan de dê di nava me de bigerin. Bi îhtîmaleke mezin jî dê wan rojên me li me bikin dojeh (cehenem)! Lêgerîn, pirsa nasnameyan, girtina riyan, dorpêçkirina der û dorê û hwd…
Werin, em bi hev re, di van rojan de jiyana wan bikin dojeh. Şahiya me bila bibe xewnreşka (qebûsa) wan!
Em dixwazin, di navbera 1-8 Cotmehê de, li dijî IMF û Banqeya Cîhanê çalakiyên cûr bi cûr, gotûbêj, xebatên atolyeyan, pêşengeh û konseran li dar bixin. Ji bo kesên ku dê ji welat û bajarên din bên dê mal bên peydakirin. Kesên ku dixwazin tevlî amadekariyên organîzasyon û çalakiyan bibin bi riya agahiyên ragihandinê dikarin bi me re bikevin têkiliyê. Weke din, kesên ku dixwazin di derbarê xebatên amedekariyê bi rêk û pêk bibin xwedî agahî dikarin malpera me a web’ê ku dê her tim bê nûkirin ziyaret bikin.
Bi hêviya, ku di rojên şa yên berxwedanê de em piştgiriya navneteweyî bilind bikin.
Li Dijî Sermiyanê Xweseriya Gelan!
Tu jî Bibe Dengek Ji Bo Qêrîna Li Dijî Sermiyana Neteweyî û Navneteweyî!
Ragihandi Zanyar:
http://direnistanbul.wordpress.com / (Tirkî)
http://resistanbul.wordpress.com / (Îngilîzî)
direnistanbul@gmail.com